آخر 10 مشاركات
الخاتم (الكاتـب : - آخر مشاركة : - )           »          ارجو التأويل (الكاتـب : - آخر مشاركة : - )           »          ارجو التأويل (الكاتـب : - آخر مشاركة : - )           »          السلطان قابوس (الكاتـب : - آخر مشاركة : - )           »          رؤية مسلحات و رجل مثير الفتنة (الكاتـب : - آخر مشاركة : - )           »          ارجو التأويل (الكاتـب : - آخر مشاركة : - )           »          ميت يعطي مفتاح (الكاتـب : - آخر مشاركة : - )           »          استفسار (الكاتـب : - آخر مشاركة : - )           »          السفر (الكاتـب : - آخر مشاركة : - )           »          اسمي مكتوب على كل باب و الرابع بالكامل (الكاتـب : - آخر مشاركة : - )



إهداءات دنيا حواء

 
 
LinkBack أدوات الموضوع انواع عرض الموضوع
قديم 12-09-2009, 03:30 AM   المشاركة رقم: 1
المعلومات
الكاتب:
اللقب:

البيانات
التسجيل: Aug 2009
العضوية: 17
المشاركات: 2,995 [+]
بمعدل : 1.02 يوميا
اخر زياره : [+]
معدل التقييم: 11
نقاط التقييم: 10
Amira Dreams لازالت في البداية

التوقيت

الإتصالات
الحالة:
وسائل الإتصال:

المنتدى : المنتدى الاسلامى
أرحنا بها يا بلال




قوم وكبر

ياللى صوتك ترتجف منه الجبال

قوم وعبّر

عن تباشير الـــوصال

بإللى وحدة بس يقدر

وإللى أكبر م المُحال

عيد وزِيد ..

الله أكبر

الله أكبر

الله أكبر

يالا أذن يا بلال



أشهد ان لا اله الا الله وأن محمد رسول الله


أحد أحد


حتى الحجر قلبه حجر


وبلال من تحته بينجلد


ماقلش اه


ولا ضعف فيه الإيمان ولا حتى تاه


أحد أحد


نجاه الهه من الحجر ومن العذاب


نجاه وقام قال الادان


محى من قلوب كتير ضباب


الله أكبر الله أكبر


قوم نجى نفسك ماعذاب


وإشهد بأن الرب واحد


فى الأخره حايجيك الحساب


ولا ينفعك غير الإيمان فى قلب صامد


إغسل ذنوبك بالدموع


إركع وأسجد فى خشوع


خليك تملى شاكر وحامد


اه يابلال


نداك يزيل صعب ومحال


الله اكبر الله اكبر


لبى الندا يإبن أدم


قوم وكبر


إحلم تشوف وجه الجليل


وجه العظيم


إحلم وخلى الحلم يكبر


طاوع نبيك خير البشر


طاوعه يزول كل الخطر


والقلب يعمر



الله اكبر الله اكبر








تنادينى

تنادينى وقلبى يدق

أرد عليك

أقول لبيك

وأسابق خطوتى لما

تاخدنى إليك

وأحكيلك على اللى عندى

وافضل أقول

وأشكيلك من اللى قلبى

بيه مشغول

وتسمعنى

تطمنى

ألاقى قلبى بكلامك

هدى على طول


وأرجع تانى أستنى

لما.........

تنادينى وأرد عليك

وأجرى إليك

وألاقى عمرى متعلق

مابين دعوة أجاوبها

وبين دعوة...

أستناها

واطلبها

وبين دعوة...

فيها تنادينى وأرد عليك






الله أكبر
من براح الكعبه صوتك كان أدان
رج أبراج الجهاله
لما نور الحق بان
مش بلونك او بجنسك
أو بمالك أو بإسمك
لأ بحب الله فى قلبك
الإله حبَّك وصان
كنت يا غالى المناره
زى ما كنت الأدان
فوق جدار الكعبه كبَّر
خلَّى دنيتنا أمان



ف الفجر يصحى الكون

على صوت جميل هادى

من جوة قلب السكون

بأدانه بينادى

وقلوبنا تصحى.. تقوم

تنفض بقايا من نوم

بالشكر تبدأ اليوم

فاليوم يكون نادى


يارب ليلك فارقنا

ونهارك هالل علينا

اكتبلنا الخير ف يومنا

قادر من شره تكفينا

نشهد بإنك خالقنا

مانن بخيرك علينا

نشهد بإنه حبيبنا

محمد رسولنا ونبينا




حِبِّ الله

يا عبدالله

تلقى فى حبه أحلى حياه


حِبِّ الله واتوضى وصلى

خللى خشوعك طاغى تمللى

إحكى لربك كل شقاك

رح تلاقيه دايما وياك

إوعى شيطانك يلعب بيك

يدخل قلبك وينسيك

إن صلاتك فرض عليك

استغفر والعن إبليس

لجل تكون فى الجنه عريس

ويا الهادى أمَام الحوض

إدعى لنا نُحْشَر وياه

حِبِّ الله

يا عبدالله

تلقى فى حبه احلى حياه




ياللى قلبك و ف أدان الفجر فاق

قام ولبَّى باشتياق

كل نقطه من وضوءك تمحى ذنب

قوم وكبر

قول يارب

فجرنا مفيهوش رياء

فجرنا مع شهر صوم

عمره ما يرضى بنوم

اوعى يتقل مره جفنك

ولا ابليسك يغشك

مهما يبقى الكفر طاغى

فجرنا هو الرجاء





لما سمعت نداه

فى الفجر نادانى

قلبى سبح فى مداه

من فضله ورانى

الليل اهو مروح

والصبح بيشقشق

والطير وقام يكدح

فى الصبح يسترزق

والورد فى البستان

صحصح على الافنان

آيات ورا آيات

يا رافع السموات

فى الفجر بنعيشها

للقلب زاد والعين

والروح بتنعشها

بتقوللى يا غفلان

ممنوع تنام تانى



تسعين دقيقة هَنَا


مع ربنا الخلاق

ساعة صفا للروح

بتبوح وتتكلم

والكون كتاب مفتوح

نقرا ونتعلم

أنهار ورا أنهار

مين اللى جاريها

والارض والأوتاد

مين اللى بانيها

والنفس والأكوان

مين اللى راعيها

تسعين دقيقة هَنَا

مع ربنا الخلاق

اللحظه تسوى سنه

واحنا ف صفا ورواء

والأجر عَرَفَه ومِنَى









0





يامسجدي يامسجدي *** ياملتقى الصفاه


ياملتقى الاحبه *** ياملتقى الصفاه

فيه قد اجتمعنا *** بحبنا في الله

يغفر لنا خطانا *** ونفوز برضاه

فيه جميعا نهتف *** نقول يا الــــلــــــــــــــــــه

افتح لي باب الرحمه *** وابعد عني الطغاه

ياخالق السماء *** والارض والبحار

ياواهب الحياه *** للطير والاشجار

تسبح بالغداة *** سبــــــــــــــحن الله

بقـــــــــــوة بقـــــــــــــــــوة

ترفرف الطيور *** على الشجر تقول

خلقت يا انسان *** للذكر لا تــــــــــــنــــــــــــــــام

خلقت يا انسان *** للذكر لا تــــــــــــنــــــــــــــــام

للذكر لا تــــــــــــنــــــــــــــــام

ابدأ يوم بذكر *** وانهيه بكل شكر


ارحنا بها بلال واصبحنا بخير حال

الفجر مستنى ف سكة كل مسجد

واللى ماشى ف سكته عنه مايبعد

بيلم نوره من جموع المؤمنين

لما يلاقيهم للصلاه جايين

والوضوء للضوء يزين

نجوم ونورهم ع الجبين

ويجمع الفجر لضياه

نور الايمان اللى لقاه

ف قلوب بتفتح للحياة

قلوبها ف الفجر وضحاه



وانت فى صلاة الضهر

ناجى الإله ربك

احكى وقول شكواك

تلقى الاله ساعدك

خللى القنوت يغشاك

وافرد اليه يدك

يارب دى حكمتك

آجى الحياه عبدك

قبلك ماكان فيه شيئ

لا شيئ يكون بعدك

ماسك حدود الكون

ما حد بحدك

شايف جميع خلقك

ما عين تجيب حدك

ارحمنى يا رحمن

واغنينى من عندك

ما تذلنى لانسان

ايمانى لك وحدك

العز فى قربك

والذل فى بُعْدَكْ

ما تردنى مكروب

مين يحتمل صدك






ف عز وقت الانشغال

نسـمع " الله أكبر"

نقوم نلبى ف الحال

ولا لحـظـة نتأخـر

نغسـل مشـاغـلنا

واحـنا بنتوضـى

وجـماعة تجـمعنا

وقلوب على نبضة

الشمس وسط السما

ولهـيبهـا كـاوينا

حـرانين إنما...

رحنا.... وصـلينا





عماد الدين



ومن غيرها



إيمانك فين



داصومك


بس للمولى



وعشان تِصبح


من الصالحين



تقوم تجرى



وتلحق فرضه وجماعه



دا ربك عمره مايبارك



فى رزق يجيك



بدون طاعه



سمعت المولى بينادى



يناسى ميعاد


فى يوم ساعه





وقلبى يا رب بيحبك
وعارف قد إيه إنك
عظيم وكريم
وعارف إنك الخالق
غفور ورحيم
فجيت بابك
سجدت يا رب ف رحابك
وطلعت فى السكون اهه
بتعكس ضعف تقصيرى
وجادت بالدموع عينى
تقول حبك ف شرايينى
بيغلبنى
وبيجبنى على بابك
فسامح عبدك المسكين
وأقبلنى من التايبن






اضف تعليق على الفيسبوك
تعليقاتكم البناءه هي طريقنا لتقديم خدمات افضل فلا تبخل علينا بتعليق











توقيع :



[IMG] ( يمنع عرض أرقام الهواتف والجوالات بدون أذن الإدارة ) /CXl56-4lcW_ ( يمنع عرض أرقام الهواتف والجوالات بدون أذن الإدارة ) .gif[/IMG]



رحمة الله عليكي يا أمي
اللهم ادخلها الجنه من غير مناقشه حساب ولا سابقه عذاب

اللهم ارحمها تحت الارض واسترها يوم العرض ولا تخزها يوم يبعثون
(يوم لا ينفع مال ولا بنون الا من اتى الله بقلب سليم ).

عرض البوم صور Amira Dreams   رد مع اقتباس Share with Facebook
Sponsored Links
Sponsored Links
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:51 AM



Powered by vBulletin® Copyright ©2000 - 2017, Jelsoft Enterprises Ltd.
Content Relevant URLs by vBSEO 3.6.1 TranZ By Almuhajir
System exit pages by mr.AmRaLaA
Ads Organizer 3.0.3 by Analytics - Distance Education
الحقوق محفوظة تفسير الاحلام - دنيا حواء

a.d - i.s.s.w

Inactive Reminders By Mished.co.uk